Plantun de Prouvènço

Pèr coumpara dos planto d'encò nostre

Pinguicula alpina & Crithmum maritimum

Pinguicula alpina

Lentibulariaceae

Nom en français : Grassette des Alpes.

Descripcioun :
L'erbo-grasso-dis-Aup trachis en mountagno, sus cauquié, dins li pelouso e roucas umide, e d'àutri relarg bagna. Es uno planto carnivoro que pòu aganta de bestiouno emé si fueio pegouso à bord envertouia. Au contro de si cousino di flour vióuleto, fai de flour blanco emé uno taco jauno.

Usanço :
A bessai li mémi prouprieta que l'erbo-grasso coumuno, Pinguicula vulgaris.

Port : Erbo
Taio : 3 à 15 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Pinguicula
Famiho : Lentibulariaceae

Ordre : Lamiales

Coulour de la flour : Blanco
Petalo : irreguliero
Ø (o loungour) flour : 15 à 25 mm
Flourido : Printèms - Estiéu

Sòu : Ca
Autour basso e auto : 1200 à 2600 m
Aparado : Vo
Mai à juliet

Liò : Pelouso umido - Coumbo à nèu - Roucas umide
Estànci : Mountagnard à Subaupen
Couroulougi : Ouroufito Éurasiatico
Ref. sc. : Pinguicula alpina L., 1753

Fenoui-de-mar

Crithmum maritimum

Apiaceae Umbelliferae

Àutri noum : Sausseiroun, Bacilo.

Noms en français : Criste-marine, Fenouil marin.

Descripcioun :
Lou fenoui-de-mar es uno planto poupouso coumuno que trachis sus li roucas o dins la sablo en ribo de mar. Se recounèis eisa à si fueio penado.

Usanço :
Es uno planto manjadisso que gagnarié à èstre couneigudo ; lou goust ramento aquéu de la pastenargo, mai pu cousènt. Ero manjado au nostre, crus o cuecho coume de liume. Peréu es uno bono planto, vertuouso contro lou mau-de-terro (richo en vitamino C), depurativo, estimulanto, ajudo à pissa e à digeri. Bono pèr la pèu, n'en bouton dins de crèmo e proun de poutingo à l'ouro d'aro.